Lýsing
TUNGA – BÁR
Lýsing
Vatnasvæðið er um 11 km langt eða frá gömlu brúnni við Bár í nágrenni Selfoss að brúnni við veiðihúsið í Tungu skammt austan Stokkseyrar. Gott veiðikort er af svæðinu með vegamerkingum og bæjarnöfnum svo vel má átta sig á aðkomu að svæðinu og einstaka veiðistöðum. Á bakhlið veiðikortsins er að finna greinargóða lýsingu á öllum helstu veiðistöðum á svæðinu.Fluguveiði er vaxandi á þessu svæði sem annarsstaðar í læknum á kostnað maðksins sem þó gefur oft góðan afla. Sjóbirtingur er aðall svæðisins en hann er kominn á svæðið fljótlega eftir að hans verður vart í ósnum. Þá fást venjulega nokkrir laxar á hverju sumri. Svæðið gefur meiri afla en skýrslur sýna því ekki er veiðibók á svæðinu en ekki næst í nema hluta veiðimanna til að fá upplýsingar um veiði.
Staðsetning: Skammt austan við Selfoss Veiðisvæði: Frá gömlu brúnni við Bár að brúnni við veiðihúsið í Tungu, sjá nánar á veiðikorti
Stangafjöldi: 2 stangir
Góðar flugur: Bleik og blá, Heimasætan, Black Ghost, Peacock, Black Gnat og Krókurinn.
Veiðihús: Ekkert veiðihús fylgir svæðinu. En veiðimönnum er bent á Gistiheimilið Lambastaðir, Lambastöðum – www.lambastadir.is Sími: 777 0705
Reglur: Tvær stangir eru leyfðar á svæðinu og eru þær seldar saman. Daglegur veiðitími er frá 08.00 – 20.00.
Frá 1. Mai til 31 maí er eingögnu leyfð fluguveiði og skal öllum fiski slept.
Frá 1 júní til 15. september má veiða á flugu, maðk og spón. Leyfilegt er að drepa þrjá fiska á dag pr stöng, þ.e. samtals 6 fiska á sólarhrings veiðikort en sleppa skal öllum fiski yfir 65 cm sleppt.
Frá 15. September til 20 október er eingöngu leyfð fluguveiði og skal öllum fiski sleppt.
Veiðibók: Er við brúnna hjá Hæringsstöðum og einnig er veiðibók við hliðið að veiðihúsinu í Baugstaðaós við veginn, hún er í póstkassa. veiðimönnum er skylt að skrá allan afla.
Veiðileyfi: Félagar í SVFS fá úthlutað, eftir það eru öll leyfi seld á leyfi.is
Umsjónarmenn / veiðiverðir: Guðmundur Þ. Óskarsson , Jón Birgir Kristjansson 695-9273, , Óskar Ingi Böðvarsson 692-9177
